WAHA - Women and Health Alliance International

AMREF ni shirika la kimataifa la Afrika lenye makao makuu yake mjini Nairobi, Kenya. Shirika hili lilianzishwa mwaka 1957 wakati madaktari watatu wa upasuaji walipoanzisha chama kilichoitwa Flying Doctor Service of East Africa, ambacho kilikuja kuzaa shirika linaloongoza sasa barani Afrika kwa shughuli za utafiti na maendeleo ya afya.

Chuo Kikuu cha Gondar kilianzishwa huko Gondar, mji mkuu wa zamani wa Ethiopia, mwaka 1954, na kinajumuisha chuo kikongwe zaidi cha tiba nchini Ethiopia. Kwa sasa kina wanafunzi 13,000 waliosajiliwa kwa kozi za shahada ya kwanza na shahada za uzamili zinazotolewa na idara ishirini na mbili.

Chama cha Kimataifa cha Madaktari wa Fistula ya Uzazi kinafanya mkutano wa mwaka ambao huwakusanya wataalamu wa afya na wagonjwa kutoka duniani kote ili kubadilishana uzoefu na matokeo ya tafiti zao, na kubadilishana mawazo kuhusu maarifa mbalimbali waliyoyapata kutokana na kazi zao.

Mwaka 2003, shirika la Umoja wa Mataifa linaloratibu shughuli za idadi ya watu duniani, UNFPA, lilianzisha duniani kote Kampeni ya Kutokomeza Fistula ili kupunguza vilivyo ugonjwa wa fistula ya uzazi kwenye nchi zinazoendelea ili hali ifanane na ile ya nchi zilizoendelea. Imekadiriwa kuwa kufikia mwaka 2015 fistula itakuwa imetokomezwa. Muda wa kufikia lengo hili unaendana na ule wa Malengo ya Milenia katika kuboresha afya ya uzazi.

LIRASEF (au LARIFEH) (Shirikisho la Utafiti wa Elimu na Afya kwa Wanawake) ni asasi isiyo ya kibiashara nchini Cameroon ambayo ilianzishwa mwaka 1997. Asasi hii inajumuisha wataalamu kutoka nyanja mbalimbali wenye lengo la kuboresha, kwa kadri ya uwezo wao, afya na elimu kwa wanawake.

Mpango wa Taifa wa Kutibu Fistula Nigeria ulianza kwa mgonjwa mmoja kufanyiwa operesheni ya kutibu fistula mwezi Disemba 1983 kwenye jimbo la Katsina, na tangu wakati huo mpango huu umekuwa ukiongezeka taratibu kwa kipindi cha miaka 25 na sasa umekuwa kituo kikubwa zaidi cha tiba na mafunzo ya fistula duniani.

Mpango wa Kutokomeza Fistula Senegal (SIEF) ni asasi isiyo ya kibiashara iliyoanzishwa na Profesa Serigne Maguèye Guèye mwaka 2005.

Chama cha Afya ya Akinamama, Watoto na Watoto Wachanga (PMNCH) ni chama cha kimataifa kilichoanzishwa mwezi Septemba 2005. Chama hiki ni muungano wa jumuiya zaidi ya 300 zinazoshughulikia masuala ya afya ya akinamama, watoto, na watoto wachanga ili kuhakikisha kwamba si tu wanakuwa wenye afya njema, bali pia wananeemeka.

Tarehe 1 Machi, Chuo Kikuu cha Adama, Chuo cha Afya cha Assella na shirika la WAHA INTERNATIONAL walitia sahihi makubaliano ya ushirikiano ili kuanzisha huduma mpya ya tiba ya fistula kwenye hospitali ya chuo hiki kikuu. Aidha, programu ya mafunzo ya tiba ya fistula ya uzazi itaanzishwa na kuwa sehemu ya kozi za sayansi ya tiba. Shirika la WAHA INTERNATIONAL litatoa wataalamu wanaohitajika ili kutibu wagonjwa wa fistula na kutoa mafunzo. Wagonjwa zaidi ya 50 wanatarajiwa kutibiwa fistula bure kwa mwezi.

Taasisi ya Kupambana na Fistula ilianzishwa mwaka 2000 nchini Marekani kwa lengo la kusaidia hospitali ya kutibu fistula mjini Addis Ababa nchini Ethiopia. Tangu wakati huo, Taasisi ya Kupambana na Fistula iliongeza wigo wake kwa kutoa misaada kwa mashirika na nchi mbalimbali duniani.

African Midwives Research Network ni mtandao wa wakunga ambao umelenga kupeana taarifa, mikakati, na ufumbuzi wa kisayansi katika kutoa huduma bora za ukunga barani Afrika.

Shirika la WAHA International linashirikiana na Idara ya Sayansi za Tiba ya Magonjwa ya Njia ya Mkojo na Androlojia katika Kitivo cha Sayansi za Tiba cha Chuo Kikuu cha Cheikh Anta Diop cha Dakar. Chuo Kikuu hiki, ambacho pia hujulikana kama Chuo Kikuu cha Dakar, kipo mjini Dakar nchini Senegali.

Hospitali Kuu ya Grand Yoff ni hospitali ya daraja la 3 iliyopo Dakar, Senegali.

Shirika la WAHA International na Hospitali ya Mafunzo ya Chuo Kikuu ya Yaunde wanashirikiana kuwafanyia operesheni wanawake wenye fistula ya uzazi na kutangamanisha mafunzo ya operesheni ya fistula katika mtaala wa masomo ya udaktari.

Chama cha wakunga cha taifa cha Benini kilianzishwa mwaka 1990 na kwa sasa kina wanachama 300. Makao makuu yake yapo katika Kliniki ya Uzazi na Magonjwa ya Wanawake ya Chuo Kikuu cha Kotonu.

AORTIC ni asasi isiyo ya kiserikali iliyopo barani Afrika inayohimiza shughuli za kudhibiti na kutuliza kansa barani Afrika.

Chuo Kikuu cha Hargeisa kilichopo Somaliland kilianzishwa mwaka 2000, na kwa sasa kina zaidi ya wanafunzi 2,600. Kitivo cha Sayansi za Tiba kilianzishwa mwaka 2003. Kitivo hiki kilianza kwa kuchukua wanafunzi 75, na wanafunzi 15 miongoni mwao walihitimu mwaka 2009.

‘La Chaîne de l’Espoir’ (Mkufu wa Matumaini) ni asasi isiyo ya kiserikali inayotoa huduma za afya ambayo hukutanisha mtandao muhimu wa wataalamu wa kimataifa, madaktari wa upasuaji na madaktari bingwa ili kutoa matibabu na kuwafanyia operesheni watoto wanaoishi katika mazingira hatarishi.

Shirika la WAHA International linashirikiana na Wizara ya Afya ya Jamii nchini Kameruni katika mradi wa unaolenga kutoa huduma za operesheni ya fistula kwa upana zaidi.

Kaskazini-mashariki mwa nchi hii, karibu na mpaka wa Ethiopia, kuna Hospitali ya Fistula ya Boroma inayohudumia wakazi takriban 200,000. Hospitali hii ina vitanda karibu 18 ambavyo vinaweza kutengwa kwa ajili ya wagonjwa wa fistula. Huko nyuma, mwezi Agosti 2010, shirika la WAHA International lilishirikiana na Hospitali ya Fistula ya Boroma kufanya operesheni za mfululizo kwa wagonjwa kumi na tisa wa fistula.

Hospitali ya Uzazi na Mafunzo ya Edna Adan iliyoko Hargeisa ilifunguliwa mwaka 2002 na Edna Adan Ismail kwa lengo la kutoa huduma za tiba kwa wanawake na watoto. Hospitali hii ni kituo kimoja kati ya vituo viwili nchini Somaliland vinavyotoa mafunzo kwa wakunga na wauguzi.

Shirikisho la Kimataifa la Madaktari wa Uzazi na Magonjwa ya Wanawake (FIGO) lina vyama wanachama kutoka nchi/maeneo 124. Makao makuu yake yako mjini London, Uingereza.

Hospitali ya Chuo Kikuu ya Hargeisa Group ni hospitali iliyoanzishwa mwaka 1953 inayoendeshwa na serikali. Ina vitanda 380, vikiwemo 160 kwa magonjwa ya wanawake na uzazi. Ndiyo hospitali kuu pekee katika mji mkuu Hargeisa na hospitali pekee inayotoa huduma za rufaa kwa nchi nzima.

Kituo cha Taifa cha Dk. Abbo cha Tiba ya Fistula na Magonjwa ya Wanawake na ya Njia ya Mkojo ni mojawapo ya vituo vikubwa zaidi barani Afrika na Mashariki ya Kati kinachojishughulisha zaidi na kutibu fistula na kudhibiti magonjwa mengine ya njia ya mkojo na magonjwa ya wanawake.

Shirikisho la Kimataifa la Vyama vya Msalaba Mwekundu na Mwezi Mwekundu ndiyo asasi kubwa zaidi duniani inayotoa misaada ya kibinadamu pasipo kubagua watu kwa misingi ya utaifa, rangi, imani za kidini, hadhi katika jamii au itikadi za kisiasa.